शहरातील खराडी पोलिस ठाण्यात कार्यरत असलेल्या एका पोलिस उपनिरीक्षकावर (PSI) हॉटेल चालकाकडून कारवाईच्या धाकाने पैशांची उकळपट्टी केल्याचा गंभीर आरोप समोर आला आहे. नियमानुसार हॉटेल-रेस्टॉरंटला रात्री दीड वाजेपर्यंत सुरू ठेवण्याची परवानगी असताना, संबंधित अधिकाऱ्याने रात्री सव्वा बारा वाजता हॉटेलमध्ये घुसून जेवण करत असलेल्या ग्राहकाचे मोबाईलवर चित्रीकरण केले.
माहितीनुसार, दुसऱ्याच दिवशी हॉटेल व्यावसायिकाला पोलिस ठाण्यात बोलावून “तुम्ही माझे काम केले तर मी तुमचे काम करतो” असे सांगत पैशांची मागणी केली. सायंकाळी साडेआठच्या सुमारास पैसे स्वीकारतानाचा प्रकारही उघड झाला असून, संपूर्ण घटना हॉटेलमधील सीसीटीव्ही कॅमेर्‍यात स्पष्टपणे कैद झाली आहे.
या प्रकरणाबाबत खराडी पोलिस ठाण्याचे पोलिस निरीक्षक संजय चव्हाण यांनी सांगितले की, हॉटेल-रेस्टॉरंटला दीड वाजेपर्यंत परवानगी आहे आणि संबंधित अधिकाऱ्याला हॉटेल बंद करण्याचे कोणतेही निर्देश दिले नव्हते. तर पोलिस आयुक्त अमितेश कुमार यांच्या नियमावलीनुसार, अपवादात्मक परिस्थिती वगळता पोलिसांनी ग्राहकांना त्रास न देता, आवश्यक असल्यास कारवाई वेळेच्या मर्यादेनंतरच करावी व मॅनेजरला बाहेर बोलावावे, असे स्पष्ट नमूद आहे.
पोलिसांच्या या वर्तणुकीमुळे हॉटेल व्यावसायिकांत असंतोषाची लाट उसळली असून, केवळ कारवाईच्या भीतीने पैशे उकळणे हे पोलिस दलाच्या प्रतिमेला मोठा धक्का पोहोचवणारे असल्याची चर्चा सुरू आहे.
राडी पोलिस ठाणे, पुणे पोलीस, PSI खंडणी प्रकरण, हॉटेल चालकाकडून पैसे उकळणे, पुणे हॉटेल कारवाई, पोलीस सीसीटीव्ही फुटेज, अमितेश कुमार नियमावली, पोलिस भ्रष्टाचार
Leave a Reply