पुणे (Pune News): उपमुख्यमंत्री अजित पवार (Ajit Pawar) यांच्या निधनानंतर सुरू झालेल्या राजकीय घडामोडींवर राष्ट्रवादी काँग्रेसचे (NCP) ज्येष्ठ नेते शरद पवार (Sharad Pawar) यांनी आपली स्पष्ट भूमिका मांडली आहे. अजित पवारांच्या अकाली निधनानंतर सुनेत्रा पवार (Sunetra Pawar) उपमुख्यमंत्री (Deputy Chief Minister) होणार असल्याची माहिती मला नव्हती, असे शरद पवार यांनी स्पष्ट शब्दांत सांगितले.
शरद पवार म्हणाले,
“आज सकाळी वर्तमानपत्र वाचल्यानंतरच मला या घडामोडींची माहिती मिळाली. सुनील तटकरे, छगन भुजबळ आणि प्रफुल्ल पटेल यांची यासंदर्भात बैठक झाली असल्याचे कळले. त्यांनी पुढाकार घेऊन शपथविधीचा निर्णय घेतला. मात्र, या संदर्भात माझ्याशी कोणतीही चर्चा करण्यात आलेली नाही. राज्यात नेमके काय सुरू आहे, याची मला कल्पनाही नाही.”
अजित पवार गटातील नेते छगन भुजबळ (Chagan Bhujbal), सुनील तटकरे (Sunil Tatkare) आणि प्रफुल्ल पटेल (Praful Patel) हे मुख्यमंत्री देवेंद्र फडणवीस (Devendra Fadnavis) यांच्यासोबत सातत्याने बैठकींना उपस्थित राहत होते. त्यांच्या अकाली निधनानंतर राष्ट्रवादी काँग्रेसची धुरा पुढे कोण सांभाळणार, याबाबत राजकीय वर्तुळात चर्चा सुरू झाली आहे. या पार्श्वभूमीवर या तिन्ही नेत्यांनी सुनेत्रा पवार यांचे नाव पुढे केले, अशी माहिती सूत्रांकडून मिळत आहे.
या संपूर्ण प्रक्रियेत तुम्हाला जाणीवपूर्वक अलिप्त ठेवले जात आहे का, असा थेट प्रश्न विचारण्यात आला असता शरद पवार म्हणाले,
“हा निर्णय त्यांच्या पक्षाचा आहे. त्यांना विचारा एवढी घाई का केली जात आहे. हा प्रश्नही तुम्ही त्यांनाच विचारावा.”
या विधानामुळे राष्ट्रवादी काँग्रेसमधील (Rashtravadi Congress) अंतर्गत राजकारण, नेतृत्वाबाबतची अस्वस्थता आणि निर्णयप्रक्रियेतील मतभेद पुन्हा एकदा उघड झाले असून, येणाऱ्या काळात पक्षातील घडामोडींना आणखी वेग येण्याची शक्यता व्यक्त केली जात आहे.
SharadPawar, SunetraPawar, AjitPawar, NCP, RashtravadiCongress, MaharashtraPolitics, IndianPolitics, PoliticsOfIndia, BreakingNews, PoliticalNews, PoliticalUpdate, PowerPolitics, MumbaiNews, Pune, PuneNews, Baramati, BaramatiNews, Marathi, MarathiNews, MaharashtraNews, News, CurrentAffairs, TrendingNews, ViralNews, InstaNews, PoliticalDrama, Leadership, IndianLeaders, Mantralaya, DevendraFadnavis, PrafulPatel, ChhaganBhujbal, SunilTatkare, NN360, NewsNetwork360]
Leave a Reply