Sakshi Megha Prabhuअटल बोगद्याजवळ भीषण अपघात; राजस्थानमधील पर्यटकाचा मृत्यू, तीन जखमी
हिमाचल प्रदेशातील अटल टनेलच्या नॉर्थ पोर्टलजवळ झालेल्या भीषण रस्ते अपघातात राजस्थानमधील एका पर्यटकाचा जागीच मृत्यू झाला असून तीन जण गंभीर जखमी झाले आहेत. हा अपघात 30 जून 2026 रोजी रात्री सुमारे 10 वाजता घडला असल्याची माहिती समोर आली आहे. मनालीहून लाहौलच्या दिशेने प्रवास करत असताना पर्यटकांची स्कॉर्पिओ गाडी अटल टनेलमधून बाहेर पडताच अनियंत्रित झाली आणि रस्त्याच्या कडेला असलेले लोखंडी बॅरिकेड तोडून खाली सुरू असलेल्या निर्माणाधीन पुलाच्या पिलरला धडकली. धडक इतकी जबरदस्त होती की पिलरमधून बाहेर आलेल्या लोखंडी सळया गाडीमध्ये आरपार गेल्याचे पोलिसांनी सांगितले आहे.