हरियाणात धक्कादायक घटना! प्रियकरासोबत पत्नीने रचला पतीच्या हत्येचा कट; जिवंत अवस्थेत कालव्यात फेकल्याचा आरोप
हरियाणातील रेवाडी जिल्ह्यातील जर्थल गावातील २१ वर्षीय मोनू याची पत्नी तन्नू आणि तिचा कथित प्रियकर सोनू यांनी मिळून हत्या केल्याचा धक्कादायक आरोप समोर आला आहे. पोलिसांच्या तपासात मोबाईलमधील डिलीट केलेले चॅट, कॉल रेकॉर्ड आणि इतर डिजिटल पुराव्यांच्या आधारे कट उघडकीस आला असून पत्नी आणि एका साथीदाराला अटक करण्यात आली आहे. मुख्य आरोपी सोनू आणि अमन अद्याप फरार आहेत.