Sakshi Megha Prabhuप्रियकरासाठी पतीचा खून? छतावरून ढकलूनही बचावला; अखेर रुग्णालयात टॉयलेट क्लिनर इंजेक्ट करून हत्या केल्याचा आरोप
तेलंगणातील निजामाबाद जिल्ह्यातील न्यालकल गावात एका धक्कादायक हत्याकांडाचा उलगडा झाला आहे. नर्स असलेल्या संध्या हिने कथित प्रियकर अनिल आणि साथीदार वेंकट साई उर्फ बंटी यांच्या मदतीने पती प्रशांतची हत्या केल्याचा आरोप आहे. प्रथम मद्यधुंद अवस्थेत प्रशांतला इमारतीवरून खाली ढकलण्यात आले. मात्र तो बचावल्यानंतर रुग्णालयात उपचार सुरू असताना संध्याने कॅन्युलामधून टॉयलेट क्लिनर आणि इतर द्रव्य इंजेक्ट करून त्याची हत्या केल्याचा पोलिसांचा दावा आहे. प्रशांतच्या आईच्या तक्रारीनंतर तपास सुरू झाला आणि तिघांना अटक करण्यात आली असून पुढील तपास सुरू आहे.